Толығырақ

27.06.2022

«Энергожөндеу» ӨЖК: Шерьяздан Навирдинович Амраевты құрметті демалысқа шығарып салды

Шерияздан Навирдинович өзінің кәсіби еңбек жолында құрылысшы бола отырып, энергетика саласының қызметкерлері үшін қолайлы жағдай жасауға үлкен үлес қосты. Ол әлеуметтік-тұрмыстық мәселелерді қолдау мен дамытуға белсенді және тікелей қатысты.

Шерьяздан Навирдинұлы 1959 жылы 16 маусымда Алматы облысында дүниеге келген. Орта мектепті бітіргеннен кейін ДОСААФ спорт-техникалық клубында жүргізуші мамандығы бойынша оқыды. 1978 жылы Алматы құрылыс техникумына оқуға түсті. 1980-1982 жылдары Кеңес Армиясы қатарында әскери борышын өтеген.

Еңбек жолын Шерияздан Навирдинұлы 1982 жылы Алматы 1-ЖЭО қазандық жабдықтарын жөндеу жөніндегі слесарь болып бастады. 1992 жылы "Энергожөндеу" ӨЖК жылу оқшаулау учаскесіне аға шебер болып ауыстырылды. Сол жерде жөндеу-құрылыс учаскесін құруға белсене қатысып, 1995 жылдан бастап оны басқарды. Зейнеткерлік жасқа жеткенге дейін 27 жыл бойы "Энергожөндеу" ӨЖК ӨЖБ бастығы болып жұмыс істеді. Өзін жауапты, техникалық сауатты, адал және атқарушы маман ретінде көрсете білді.

Ұжымда Шерьяздан Навирдинович құрметке және беделге ие. Жас мамандар мен қызметкерлердің тәлімгері болып табылады, оларды оқытады және өзінің кәсіби тәжірибесімен бөліседі. Ұжымның қоғамдық өміріне белсенді қатысады.

Жемісті және адал еңбегі, жоғары өндірістік көрсеткіштері үшін 2009 жылы "АлЭС" АҚ алғыс хатымен, ал 2021 жылы ҚР ЭМ "Электр энергетикасы саласына қосқан үлесі үшін" медалімен марапатталды.