Толығырақ

03.02.2021

АлЭС тұлғалары: Бояринцев Александр Викторович, 3-ЖЭО турбиналық цехының кран машинисі

 Өндірістік тәжірибеден кейін Александр станцияда жұмыс істеуге қалды

Александр 1991 жылы 23 тамызда Энергетик кентінде (қазіргі Өтеген батыр кенті) дүниеге келген. Бала кезінен жан-жақты, әр нәрсе қызығушылық танытатын зейінді болатын, конструкторлар құрғанды, электронды құрылғыларды бөлшектеуді, автомобильдерді ұнататын. Мектепті бітіргеннен кейін, 2007 жылы Алматы қаласындағы № 5 кәсіптік лицейге компьютерлік  теру техникасы операторы мамандығы бойынша оқуға түсті. 2013 жылы «Аспис ING» кәсіби орталығында автопневмокран машинисі мамандығы бойынша білім алды. Теориялық білімді игеріп, Александр алты айлық тәжірибеден өту үшін 3-ЖЭО-ға келді.

- Менің жолым болды. Тәжірибені турбина цехының 6-разрядты кран машинисі, тәлімгер Наталья Борисовна Важкаяның жетекшілігімен өттім. Оның арқасында мен кранды мұқият зерттеп, үлкен тәжірибе жинадым. Ең бастысы-станциямен жақын танысып, оны жақсы көру. Өндірістік тәжірибеден кейін мен осында жұмыс істеуге қалдым. Станцияда турбина цехының 6 разрядты кран машинисі болып жеті жылдан бері жұмыс істеп келемін. Өз маманының шебері болдым деуге болады.

Александрдың өмірі станциямен тығыз байланыста, өйткені оның жақын туыстары да станцияда жұмыс істеді. Александрдың анасы Галина Васильевна зейнетке шыққанға дейін станцияда 30 жыл отқа төзімдеуіш болып жұмыс істеді. Галина Васильевна ұлының болашағы осы станциямен байланысты болатынын білген, өйткені оның тағы екі ағасы станцияда жұмыс істеді. «Арбаның алдыңғы дөңгелегі қайда жүрсе, соңғы дөңгелегі сонда жүреді» деген сөздің дәлелі болу керек, -деп әзілдейді.

Кран машинисі мамандығы өте күрделі. Адамнан ұқыптылық, зейінділік, шыдамдылықты талап етеді. Александр өз кранында сенімді жұмыс істейді. Төменде тұрған адамдарды ым-ишарамен түсінеді, салмағы 34 тоннаға дейінгі жүктерді жылжытады.

- Қиын жағдайларда, әрине, есіңді жинап, ақылыңды барлық 100% қосып, дұрыс шешім қабылдауыңыз керек. Күрделілігі бойынша ұзақ уақыт есте қалатын жұмыстар бар. Мысалы, 2020 жылы турбогенератордағы турбина роторын ауыстыру жұмыстары жүргізілді. Кейде әдеттегі жұмыс ырғағынан шығып, қараңғыда жұмыс істеу қиын болды.

Бос уақытында Александр автомобильдер мен компьютерлерді жөндеумен айналысады. Кітап оқығанды жақсы көреді. Оның сүйікті кітаптары: М. Булгаков «Мастер және Маргарита», Жюль Верн «Таинственный остров», Джордж Оруэлл «1984».