Энергия үнемдеу. Жер сағаты
Жер сағаты (англ. Earth Hour) - Дүниежүзілік табиғат қоры (WWF) өткізетін жыл сайынғы халықаралық шара. Наурыз айының соңғы сенбісінде өткізіледі және барлық жеке тұлғаларды, ұйымдарды, мектептерді, муниципалдық білім беру, коммерциялық мекемелерді - ғаламшар табиғаты мен ресурстарға ұқыпты және жауапты қарауға назар аудару үшін бір сағатқа жарықты өшіруге шақырады. Бұл іс - шараны алғаш рет Австралиядағы Дүниежүзілік табиғат қоры 2007 жылы «The Sydney Morning Herald» басылымымен бірлесіп ұйымдастырған болатын және келесі жылы әлемдік қолдауға ие болды (акцияға әлемнің 35 елінде 100 миллионнан астам адам ие болды), ал 2009 жылы адамзат тарихындағы ең бұқаралық акция болды-WWF бағалауы бойынша, ол ғаламшардың миллиардан астам тұрғындарына әсер етті. Сол уақыттан бері акция қарқынды дамып келеді, оған көптеген азаматтар, қалалар мен елдер қатысады.
Қазақстан халықаралық акцияға Президент Нұрсұлтан Назарбаевқа өтініш білдіргеннен кейін, 2009 жылы ресми түрде қосылды. Сол кезде оған екі қала, Астана және Алматы қатысты, ал 2011 жылы «Жер сағаты» акциясына 60-қа жуық қала қосылды. 2016 жылы акцияны миллионнан астам Қазақстандықтар қолдады, Елордамызда сағат 20:30- да Нұр – Әлем сферасы, Бәйтерек монументі, Триумф аркасында, Опера және балет театры , сондай-ақ Астананың сол жақ жағалауының барлық архитектуралық ансамблі, ал Алматыда – «Көктөбе» телемұнарасы мен бүкіл әкімшілік кешенінде бір уақытта жарық көздері өшірілді.
Бұл акцияның мәні- бүкіл әлемдік қауымдастықтың біздің ғаламшарымыздың климатының өзгеруі мәселесіне барынша назарын аудару, осы экологиялық мәселені шешуде бірлесе шеше алатынымызға қолдау көрсету.
Әрине, жарықтың сағаттық ажыратылуы жер бетіндегі экологиялық жағдайды айтарлықтай жақсарта алмайды, бірақ бұл акция біздің ғаламшарымыздың көптеген тұрғындарына электр энергиясын үнемдеу, Жер атмосферасына зиянды шығарындыларды азайтуға мүмкіндік береді және әрбір адамға біздің ғаламшарымыздың тазалығын сақтауға өз үлесін қосуға мүмкіндік береді.
«АлЭС» АҚ жұмыскерлерін 28 наурыз күні сағат 20.00-ден 21.00-ге бір сағатқа жарық пен электр құралдарын өшіруге шақырады! Бұл акцияға кез-келген адам ерікті түрде қатыса алады, қатысушылар қанша және қандай электр құралдарын өшіретінін өздері шешеді.
Біз қоршаған ортаға қалай көмектесе аламыз?
- Қоқысты дұрыс тастаңыз. Барлық тұрмыстық қалдықтарды қайта өңдеуге оңай болуы үшін сұрыптаңыз. Жақын жердегі батареялар мен сынап шамдарын қабылдау орындары туралы біліңіз, оларды әдеттегідей қоқысқа тастамаңыз, әйтпесе олар қоқыс тастайтын полигондарға апарылып, ұзақ жылдар бойы ыдырап жерді улайды. Улы қалдықтарға бояу, машина майы және басқа да көптеген заттар жатады, оларды арнайы полигондарда дұрыс кәдеге жарату қажет.
- Суды үнемдеңіз.Жер бетіндегі тұщы су 2,5-3% ғана бар. Суды үнемдемесеңіз, сіз су қорының азаюына себепкер боласыз. Ыдысты жуғанда, тіс тазалағанда суды өшіріңіз, судың ағуын тексеріңіз, ескі сантехниканы ауыстырыңыз және ыдыс жуғыш және кір жуғыш машиналарды тек оларды толық жүктегенде ғана қолданыңыз.
- Уытты тұрмыстық химиядан бас тартыңыз. Ол көпке дейін жойылмай, топыраққа сіңіп, онда ұзақ жылдарға дейін сақталып, уланып, флора мен фаунаның дамуына әсер етеді. Қауіпсіз компоненттерден танымал құралдарға балама табыңыз.
- Пластикпен күресіңіз.Дүкендерге барған сайын пакет сатып алмаңыз, табиғи материалдардан жасалған сөмкеңізбен жүріңіз. Бір рет қолданылатын пластикалық ыдысты пайдаланбаңыз. Кейбір елдерде пластикпен күрес жүргізіп, осындай ыдыстар мен пакеттерді пайдалануға тыйым салынды. Біз тастайтын қоқыстың ең үлкен бөлігі-орама, сондықтан қарапайым бір қабатты орамдарға оралған тауарларды сатып алуға тырысыңыз, дұрысы дүкенге барған сайын, өзіңіздің ыдысыңызбен барып, осы арқылы тасталынатын бір рет қолданылуға арналған заттардың санын азайту керек.
