Толығырақ

20.02.2023

Ш.Шөкин атындағы Қапшағай ГЭС тұрақты кестеге сүйенеді

Гидростанциясында жөндеу науқаны басталды

Энергия өндіруші станциялардың қызметкерлері үшін жыл басы – жаңа жөндеу науқанының басталуы.

– Қаңтар айының алғашқы күндерінен бастап Ш.Шөкин атындағы Қапшағай ГЭС жөндеу персоналы негізгі жабдықты жөндеуге дайындау процесін бастады. 30 қаңтардан бастап №1 гидроагрегат негізгі тораптарды ағымдағы жөндеу үшін 26 күнге тоқтатылды. Биыл жөндеу роторды алмай типтік номенклатура бойынша жүргізіледі. Сондай-ақ қосалқы жабдықтар мен күштік трансформатор жөнделеді, – деп атап өтті станцияның бас инженері Максим Мамырин.

Барлық жұмыстар "АлЭС" АҚ негізгі жабдықтарын жөндеудің бекітілген кестесіне сәйкес жүргізілуде.

Гидроэлектрстансада белгіленген қуаты 91 МВт №3 гидроагрегатты күрделі жөндеу жұмыстары жүргізілуде. Оның барысында барлық зақымдалған бөлшектер мен тығыздағыш элементтерді ауыстыра отырып, гидроагрегаттың негізгі тораптарын бөлшектеу, жүйелердің техникалық параметрлерін қалпына келтіру жоспарлануда.

Гидроэлектростанция мамандары жөндеуаралық үзіліспен екі күннен аспайтын екінші және төртінші гидроагрегаттарға, үш күштік трансформаторға және өз қажеттіліктерінің трансформаторларына ағымдағы жөндеу жұмыстарын жүргізеді. Бұл жөндеу жұмыстары да өз күштерімен жүргізілетін болады.

Сонымен бірге, 2023 жылы жалпыстанциялық жабдықтарды жөндеу, су торабының ғимараттары мен құрылыстарын ағымдағы жөндеу жүзеге асырылатын болады.

Анықтама: 1970 жылы №1 ст. ПЛ2-50-642-В-650 гидротурбинасы пайдалануға берілді. Пайдалану кезінде гидроагрегатта қолданыстағы нормативтік-техникалық құжаттарға сәйкес көлемде және мерзімде жоспарлы ағымдағы және күрделі жөндеу жүргізілді.

2020 жылы гидроагрегатқа бөлшектеу, аспаптық зерттеулер жүргізіп және қалдық ресурсты анықтай отыра күрделі жөндеу жүргізілді. Қызмет мерзімі 2028 жылға дейін ұзартылды.

Жөндеу науқаны сәтті өтсін!