Толығырақ

05.01.2023

Б.Оразбаев атындағы 1-ЖЭО-да «Ақыл шайқасы» викторинасы өтті

2022 жылдың желтоқсан айының соңында станцияда «Ақыл шайқасы» атты қызықты викторина өтті. Аталған іс-шараны жөндеу қызметінің 1-санатты экономисі Айзада Тілеухан ұйымдастырды.

– Менің ұсынысым станцияда қолдау тапқанына қуаныштымын. Біздің бастамамыз осы уақытқа дейін шағын жобаға айналды. Мұндай викториналар командаларда жұмыс істеу дағдыларын қалыптастырады, логикалық ойлауды дамытады. Ең бастысы, олар жастарды топта жұмыс істеуге біріктіреді, – деп бөлісті Айзада Тілеухан.

Ойынға барлық құрылымдық бөлімшелерден станцияның жас жұмыскерлері қатысты. Барлық қатысушылар төрт командаға бөлінді.

Ойын викторина форматында өтті, онда төрт команда бір-біріне қарсы тұрды және әртүрлі білім салаларындағы сұрақтарға жауап берді. Ойын үш раундтан тұрды, әрқайсысы тақырыптық:

1. Бірінші раунд – капитандардың күресі. Бұл турда команда капитандары бір минут ішінде әр түрлі тақырыптағы сұрақтарға жауап беруі керек болды (энергетика, нақты ғылымдар, тарих, әдебиет және т.б.)

2. Екінші раунд («ұяшықты таңдау» форматы) – 4 тақырып болды (энергетика, ЕҚжҚТ, нақты ғылымдар, энергетикадан басқа) және әр тақырыпта қиындық деңгейі бойынша 4 сұрақ болды (10, 20, 30, 40 балл). Командалар кезек-кезек ұяшықты таңдап, сұраққа жауап берді.

3. Үшінші раунд бір логикалық сұрақтан тұрды. Қай команда тезірек және дәл жауап береді, сол командаға бал берілді.

Командалар белгілі бір уақыт ішінде сұрақтарға тез және нақты жауап беруі керек еді.

– Маған викторина өте ұнады. Менің командам бірінші орынға шықты. Көптеген қызықты және танымдық сұрақтар болды. Станция тарихы, жабдықтардың жұмысы, еңбекті қорғау және басқа да салалар бойынша сұрақтар болды. Мен өзім үшін станция тарихынан қызықты фактілерді білдім, теориялық материалдарды есіме түсірдім. Осындай викториналарды өткізу станцияның жақсы дәстүріне айналады деп сенемін, – деді 1-ЖЭО өндірістік-техникалық бөлімі бастығының орынбасары Әлішер Молдажанов.

Қазандық цехының өндірістік учаскесінің аға шебері Дидар Нұртаев викторинаға бірінші рет қатысты.

– Маған ойын өте ұнады, ол қызықты әрі танымды өтті. Шығармашылық тапсырманы орындай отырып, мен өз шығармашылығымды, тапқырлығымды, логикалық ойлауымды көрсете алдым. Тапсырмалар әртүрлі салалардағы білімдерін көрсетуге, логиканы дамытуға, ой-өрісін кеңейтуге мүмкіндік берді. Мен келесі конкурстарға қатысуға қуаныштымын, – деп атап өтті Дидар Нұртаев.

Викторина уақыты тыныш өтті. Іс-шараға қатысушылар сұрақтарға үлкен толқумен жауап беріп, жүлделі орындар үшін күресті.

Қазылар алқасына жеңімпазды таңдау оңай болған жоқ. Кадр бөлімінің бастығы Арайлым Айдаболова, қазылар алқасының мүшесі:

– Маған викторина өте ұнады. Ол көңілді өтті. Бір жағынан ұжымдық жұмыс істеу қабілетін дамытатын, екінші жағынан көшбасшылық қасиеттердің көрінісін, салауатты бәсекелестік сезімін ынталандыратын өте қызықты сұрақтар болды. Мұндай ойындар өзіне деген сенімділікті, көпшілік алдында сөйлеу, өз бетінше шешім қабылдау және бүкіл ұжым үшін жауапкершілікті өз мойнына алу қабілетін дамытуға көмектеседі. Қазылар алқасының мүшесі ретінде маған қатысушыларды бағалау қиын болды. Олардың барлығы жақсы өнер көрсетті.

Қазылар алқасы Логистика бөлімінің инженері Индира Мандибаева, байқау өте белсенді, көңілді және жанды өткенін айтты. Қатысушылар өздерін өз ісінің маманы ретінде көрсетті және өте дұрыс жауаптар берді.

Жеңімпаздарға естелік сыйлықтар табысталды, ал бірінші орын алған команда ақшалай сыйақы алды.