Толығырақ

30.12.2021

АлЭС қызметкерлері Шардара ГЭС-ін жаңғырту тәжірибесін зерттеді

Ш.Шөкина атындағы Қапшағай ГЭС өкілдері Шардара ГЭС-інде болып негізгі жабдықтарды жаңарту тәжірибесімен алмасып қайтты. Делегация құрамында Ш.Шөкина атындағы Қапшағай ГЭС бас инженері Максим Мамырин, электр машина цехы бастығының орынбасары Александр Мирошниченко, ғимаратты пайдалану және гидроқұрылыстар цехы бастығының орынбасары Берікбол Қияқпаев болды.

Айта кетейік, Қапшағай энергетиктерін Шардара ГЭС станциясының барлық төрт гидроагрегатын ауыстыра отырып, түбегейлі жаңғырту бағдарламасы қызықтырды. 

Қапшағай ГЭС делегациясы Шардара ГЭС машина залында болды. Гидростанцияның бас инженері турбиналарды ауыстыру жобасының негізгі ерекшеліктері, кездескен қиындықтар, жаңа жабдықтың артықшалақтары туралы айтып берді.

Шардара ГЭС гидроэнергетик-әріптестері ірі техникалық жобаны жүзеге асырудағы бірегей тәжірибелерімен бөлісті. Жаңғырту нәтижесінде су электр станциясының белгіленген қуаты 100 МВт-тан 126 МВт-қа дейін едәуір ұлғайды. Қазір бұл аймақта тапшы су ресурстары тиімді пайдаланылуда. Модернизацияның сәтті тәжірибесі релелік қорғаныс құрылғылары мен электр жабдықтарына қызмет көрсететін мамандарды зерттеу үшін өте қызықты.

– Гидростанцияның басқарушы және техникалық персоналы жоғары білікті. Барлық сұрақтарға дәл және нақты жауаптар алдық. Мінсіз тегіс беттері бар машина залында гидравликалық қондырғының жұмыс істейтін сорғыларының дыбысы ғана естіледі, гидравликалық қондырғының өзі үнсіз қозғалады.

 Техникалық жабдықтау құбырлары еденге және одан төмен орналасқан жабдықта терлеуді және тамшылап ағуды болдырмау үшін арнайы оқшаулаумен жабылған, – деп атап өтті Бас инженер Максим Мамырин.

Берікбол Қияқпаев, ғимаратты пайдалану және гидроқұрылыстар цехы бастығының орынбасары станцияны басқарудың орталық пульті – жабдықтың жай-күйі туралы ақпарат, Электр қондырғыларының мнемосхемалары және станцияның технологиялық белгілеріндегі жабдықтың жай-күйін бақылауға мүмкіндік беретін бейнекамералардан суреттер шығарылатын заманауи планшеті мен мониторлары бар кең үй-жай екенін айтты. Барлық процестерді басқару бірыңғай басқару жүйесін қолдану арқалы жүз еге асырылады. 

– Станцияны қайта құру кезінде жабдық ықшам және заманауи болып ауыстырылды, бұл станция ғимаратының технологиялық белгілерінде, кернеуі 110 000 В элегазды кешенді тарату құрылғысының үй-жайында және басқа үй-жайларда көрінеді. КРУЭ-110 кВ үй-жайында алты шығатын желіге ажыратқыштар және қос шина жүйесі мен желілердің релелік қорғанысының толық жинағының жабдығы сыйып кетті. Әлеуметтік-тұрмыстық жағдайларды жаңғырту да назар аударуға тұрарлық: станцияда ауыз суға дейін су тазарту жүйесі орнатылған, заманауи және әдемі интерьері бар асханада қызметкерлерге арналған тамақтану шығындарының 50%-на дейін өтеледі, асхананың бірінші қабатында саунасы мен душ бөлмесі бар тұрмыстық бөлік орналасқан, – деп жалғастырды электр машина цехы бастығының орынбасары Александр Мирошниченко.  

 Естеріңізге сала кетейік, Шардара ГЭС-ін ауқымды қайта құру ГЭС құатын 126 МВт-қа дейін арттыруға мүмкіндік берді. Жыл сайын қосымша 57 млн кВсағ/жыл өндірілетін болады. Жаңа жабдықтар гидростанцияның қызмет ету мерзімін 35-40 жылға дейін ұлғайтуға мүмкіндік берді, ГЭС пайдалану сенімділігін арттырды және апаттылық деңгейін төмендетті.