Толығырақ

22.08.2019

«АлЭС» АҚ «Мектепке жол» акциясына қосылды.

2019 жылы 16 тамызда «Мектепке жол» акциясы аясында «АлЭС» АҚ жұмыскерлері, «Нұр Отан» партиясының бастауыш партия ұйымының мүшелері В. Ситдиков, Ф. Ботақараева, Қ. Рашидұлы, Е. Бекбосынов 6-17 жас аралығындағы жиырма балаға қайырымдылық көмек көрсетті. Барлық аз қамтылған отбасынан шыққан балалар Алматы қаласының Әуезов ауданында тұрады және оқиды. Он бала - № 113 мектеп-гимназиясының оқушылары.

- Балаларға кеңсе заттары бар мектеп сөмкелері — дәптерлер, күнделіктер, сурет салуға арналған альбомдар, қаламдар, фломастерлер табыс етілді, – дейді «АлЭС»АҚ бастауыш партия ұйымының хатшысы Валерий Ситдиков.

«Мектепке жол» акциясы Қазақстанда 2008 жылдан бастап Елбасының бастамасымен өткізіледі. 2019 жылы «Мектепке жол» акциясы «Жүректен жүрекке!» ұранымен өтеді.